تجربتي في التخلص من شعر العانة والابط الى الابد

ما فيه وحدة بالعالم ما تبي ان يخف الشعر من بعض الاماكن في جسمها

وما فيه وحدة مننا ما تعاني في ازالة الشعر من الاباط او من المناطق الحساسة

وكل وحدة فينا عندها طريقة علشان تشيل شعر العانــة وشعر الابط

نتف الابط و حلق شعر العانة سنتان ثابتتان عن الرسول عليه الصلام

بس اغلب البنات يفضلون الحلاوة لانها انظف ويظل الشعر اسابيع ما يطلع



انا صار لي شهر كامل استخدم خلطــة والحمدلله مرتاحــة فيها

وطلعت منها بفائدتين؟؟
1- قل ظهور الشعر في الابط والمنطقة الحساسة وبعض من اجزاء جسمي
2 -بيض المنطقـة عندي وبعض الاماكن الغامة مثل الابط


نجي للتفاصيل




راح تحتاجي لكل من :
1-حبوب الترمس (بتحصليها في محلات الاعشاب) سعره زهيد جدا
ب300 بيسة
بنات السلطنة تحصلوا الحبوب في مركز ابناء فريش بسوق السيب


2- علبة فاضيـة ويفضل تكون صغيرة
(ممكن تستخدمي علبة رشاش نفس الصورة هذه)

بس لاسف انا ما حصلت علبة رشاش صغيرة
3- ماكينة الحلاقة (موس)
احب استخدم ذي النوعية لانها سهلة
ولان يجي معاها موسات فري
وتجي مسكرة اقصد مكان الموس يجي مسكر وله غطاء

ولها علاق او ماسك انا مثبتنه في مراة الحمام

الطريقــة
تفرمي او تحطني حبوب الترمس
(انا احطنها في البيت بماكينتي الحبيبة)
ممكن تطحنه في المطحنة

بعدها اضيف ماي في طنجرة
مقاسي نفس مقياس العلبة اللي استخدمها واضيف بودرة حبوب الترمس


خلي الخلطـة يسخن ويغلي وبعدها طفي النـار

تبرد الخلطـة وبعدها صبيها في العلبة اللي عندك

وكذا بيكون شكلها
تحفظ على طول في الثلاجـة
وعند الاستخدام طلعيها من الثلاجة ورجيها
ورجعي رديها بالثلاجة
هذه الخلطة بتكون معك لمدة اسبوع بالتمام والكمال

ملاحظــة مهما جدا جدا جدا
بتقولون لي ليش ما عملتي في علبة كبيرة او علبة رشاش كبيرة ؟؟؟

بقول لكم ليش
انا جربت الخلطـة ذي 4 مرات
اول مرة عملتها في علبة كبيرة
وكل مرة كنت استخدمها اطلعها من الثلاجة وارجعها
وظلت معـاي اسبوع ويوم واحد
بعد اسبوع ويومين بدت الخلطـة تطلع ريحـة خايسة وتلوع الكبد
انا حطيتها على جسمي على بالي عاد
الا زوجي يقولي وش ذي الريحة الخايسة اللي طالعة منك
:confused::confused:
رحت تسبحت مرة ثانيـة ولما جيت استخدمها مرة الا اشم ريحتها عفن

فعلشان كذا الخلطة لازم تظل عندكم اسبوع واحد بس
بعدها تسويين وحدة جديدة

,
,

طريقة الاستخدام

اولا
انا شلت الشعر من فترة بالحلاوة ولما بدا يطلع الشعر استخدمت ذي الطريقة
للعلم انا متزوجة جديد فما عندي فرصة ان اخلي الشعر يطول او يكبر
مثل ايام ما كنت عزابية
فهذه عندي اسرع طريقة علشان اشيل بها الشعر من ابطي والمنطقة الحساسة

شلت الشعر الغير مرغوب بالموس
وبعدها انشف جسمي كامل من المـاي
واخذ قطعـة قطـن وااسقيها من خلطة الترمس
وابدي امررها على الاماكن اللي ابي الشعر يختفي
الافضل انك ترشي المنطقة (علشان كذا اقولكم علبة الرشاش افضل)
خلصتي من رش العانة والابط
خلاص لا تجففي المـاي المتبقي لا خلي دقائق والبشرة بتمتصه
أووكد مرة ثانية لا تجففي الماي المتبقي من الخلطة من جسمك
خليها والله راح تختفي في دقائق وبشرتك بتمتصها
بعدها ادهني جسمــك باي كريم مرطب تبي
كل مرة تبي تشيلي الشعر من جسمــك بالموس استخدمي الخلطة
لان بالموس نتائجه اسرع



بنات
ابطي كان شوي اغمق من لون بشرتي لان حرقت ابطي بالحلاوة
وظل لونه سخيف ودايما استحي من زوجي
بسبب الخلطة تفتح عني الابط وان شاء الله ناوية استخدمه واستمر عليه
في جسمي كامل وللوجه ان شاء الله