كيفكن صبايا
بما اني قررت اعمل ريجيم وبما اني بضوج من اكل الريجيم الممل فقررت اني اعمل اكله خاصة بريجيمي عشان اتحمس واستمر بالريجيم
وبعد تفكير طلعت بالكوسا بصوص الصويا
يارب تعجبكم
جبت مقلاية وحطيت فيها اللحمه " استخدمت لحم العجل لانه فيه دهن اقل بكتير" وغطيتها وتركتها لتنشف ميتها على نار ضعيفة
بعدين حطيت عليها بصلتين مقطعين
وحركتهن مع بعض شوي
بعدين حطيت عليهن بهارات اللحمة وفلفل ابيض وملح وصوص صويا لايت ومعلقة زيت نباتي وحدة بس
بعدين رفعتهن عن النار
وسلقت الكوسا
وبمقلاية تانية حطيت معلقة زيت نباتي وبصلة وبندورة وحركتهن منيح بعدين حطيت فلفل ابيض وصوص صويا ورشة ملح وشوية مي
ولمن حسيتهن سمكوا شوي
جبت الكوسا وقصمت كل وحدة نصين
حطيت بقلبهن لحمة وعلى الوش من صوص البندورة الي عملتهن
وبس
السعرات الحرارية للبصل نص كاسة36 كالوري
الكوسا المسلوقة 8 كالوري
لحم العجل ال100غ 180 " طبعا اذا كان قليل الدهون"
البندورة 11 كالوري
معلقة الزيت 120 كالوري
معلقة صوص صويا لايت 35 كالوري
,’,
F:
الموضوع الأساسي: الكوسا بصلصة الصويا ...صحيه ولذيذة ...
المصدر: منتديات عروس